|
10. ágúst - Keflavík - Reykjavík - MótorMax |
|
|
|
Tuesday, 14 August 2007 |
|
Þeir bræður lentu
klukkan 06.55 í Keflavík og urðu fagnaðarfundir. Þar voru mætt fjölskyldur, vinir og
kunningjar til að taka á móti þeim. Þar var líka Hrafnhildur Halldórsdóttir frá
Rás 2 sem tók viðtal við þá bræður, Dossa (pabba þeirra) og einnig eiginkonur
þeirra.
En ferðin var
ekki búin því síðasti leggurinn til Reykjavíkur var eftir, svo þeim var ekki
til setunnar boðið og drifu þeir sig að leysa út hjólin úr tollinum og síðan
var hjólað sem leið lá upp í MótorMax þar sem ferðin hófst. Með þeim hjóluðu um
30 mótorhjólamenn og konur og var skemmtilegt að fylgjast með allri röðinni
hlykkjast eftir Keflavíkurveginum.
Þeim var ákaft
fagnað þegar þeir luku ferðinni og var eigandi og forráðamenn MótorMax ásamt fjölda fólks mætt til að taka á móti þeim. Boðið var upp á þessa líka
flottu tertu sem var táknræn fyrir ferðina en hún sýndi heiminn og þá leið sem
þeir höfðu farið.
Hringferðinni í
kringum hnöttin er lokið. Alls tók ferðin 95 daga. Þeir bræður Sverrir og Einar
koma eflaust til með að miðla af sinni reynslu og hvetja alla þá sem eiga með
sér draum að láta hann rætast.
Innilega til
hamingju!
|
|
Sast uppfrt ( Wednesday, 15 August 2007 )
|
|
|
9. ágúst - New York |
|
|
|
Thursday, 09 August 2007 |
|
Þá er það síðasti dagurinn í New York.
Eins og venja er þá þarf að tékka út af hótelum fyrir klukkan 12. Þegar heyrðist frá þeim voru þeir að klára að pakka niður og svo var bið þangað til farið var út á flugvöll.
Flugið er klukkan hálf níu í kvöld.
Allir heima eru orðnir spenntir að hitta hringfarana sína.
|
|
|
8. ágúst - New York |
|
|
|
Thursday, 09 August 2007 |
|
Og enn einn dagurinn í New York. Í morgun gerði úrhelli þannig að umferð bæði bíla og lesta fór úr skorðum. En svo stytti upp og þá komst allt í samt lag aftur.
Einar skemmti sér mjög vel á Greese í gær, sat á þriðja fremsta bekk og naut sýningarinnar vel, enda frábær tónlist og góðir söngvarar.
Í kvöld ætla þau öll að borða saman en Dossi og Ella eiga brúðkaupsafmæli í dag. Innilega til hamingju!
Svo á morgun er flugið heim, og á að fara í loftið um klukkan 21.00 annað kvöld.
|
|
|
7. ágúst - New York |
|
|
|
Wednesday, 08 August 2007 |
|
Í dag hefur líðanin verið hálf skrítin. Hjólin farin í fraktina og þeir bara að bíða eftir að komast heim.
New York er skemmtileg borg og margt að skoða og auðvitað þarf líka að kíkja í einstaka verslun eins og
tilheyrir. Það er hitabylgja þarna núna og fer hitinn í um 35° C á daginn.
Einar skellti sér á Greese í kvöld á Broadway.
|
|
|
6. ágúst - New York |
|
|
|
Monday, 06 August 2007 |
|
Loksins, loksins komnir til New York. Hjóluðu á Manhattan áður en þeir skiluðu hjólunum í flugið.
Komnir á hótel, og þá tekur við bið þangað til á fimmtudag þegar þeir fara í flugið heim til Íslands.
Skrítin tilfinning að geta ekki hjólað meira í USA og bara eftir að hjóla frá Keflavík og til Reykjavíkur.
En frábært hvað þetta gekk allt saman vel og það verður gaman að taka á móti þeim í Keflavík á
föstudagsmorgun.
|
|
|
|
<< Byrjun < Nrri 1 2 3 4 5 6 7 8 9 10 Eldri > Endir >>
|
| Niurstur 1 - 9 af 95 |
