Þá er það síðasti dagurinn í New York.

Eins og venja er þá þarf að tékka út af hótelum fyrir klukkan 12. Þegar heyrðist frá þeim voru þeir að klára að pakka niður og svo var bið þangað til farið var út á flugvöll.

Flugið er  klukkan hálf níu í kvöld.

Allir heima eru orðnir spenntir að hitta hringfarana sína. 

Og enn einn dagurinn í New York. Í morgun gerði úrhelli þannig að umferð bæði bíla og lesta fór úr skorðum. En svo stytti upp og þá komst allt í samt lag aftur.

Einar skemmti sér mjög vel á Greese í gær, sat á þriðja fremsta bekk og naut sýningarinnar vel, enda frábær tónlist og góðir söngvarar.

Í kvöld ætla þau öll að borða saman en Dossi og Ella eiga brúðkaupsafmæli í dag. Innilega til hamingju!

Svo á morgun er flugið heim, og á að fara í loftið um klukkan 21.00 annað kvöld.

Í dag hefur líðanin verið hálf skrítin. Hjólin farin í fraktina og þeir bara að bíða eftir að komast heim.

New York er skemmtileg borg og margt að skoða og auðvitað þarf líka að kíkja í einstaka verslun eins og

tilheyrir. Það er hitabylgja þarna núna og fer hitinn í um 35° C á daginn.

Einar skellti sér á Greese í kvöld á Broadway.

Loksins, loksins komnir til New York. Hjóluðu á Manhattan áður en þeir skiluðu hjólunum í flugið.

Komnir á hótel, og þá tekur við bið þangað til á fimmtudag þegar þeir fara í flugið heim til Íslands.

Skrítin tilfinning að geta ekki hjólað meira í USA og bara eftir að hjóla frá Keflavík og til Reykjavíkur.

En frábært hvað þetta gekk allt saman vel og það verður gaman að taka á móti þeim í Keflavík á

föstudagsmorgun.