Erum komnir til Strasbourg þar sem Evrópuþingið er. Hjóluðum góða 500 km í dag þrátt fyrir að taka góðan tíma í að fara yfir Alpana. Ætluðum að fara yfir Gotthardskarðið en það var lokað eins og önnur háfjallaskörð í Ölpunum. Í staðinn fyrir skarðið fórum við því Gotthardgöngin sem eru 17 km löng. Það var mjög sérstök tilfinning að hjóla kappklæddyr í regngalla inn í göngin og finna heitann vindinn mæta manni í göngunum. Þetta var með heitari 17 km í ferðinni. Planið à morgun er að fara upp í àtt að Mosel og Rínardölunum. 

Komnir yfir Alpana. Gotthardskarðið í baksýn 

Hjóluðum rétt rúma 500 km í dag. Héldum áfram eftir Miðjarðarafs ströndinni með stefnuna á Monaco. Á leiðinni datt okkur í hug að heilsa upp á stórstjörnurnar í Cannes úr því að við vorum í nágreninu. Við hittum örugglega einhverja fræga þó við höfum kanski ekki þekkt þá en allavega var gaman að hjóla strandveginn innan um flótta bíla og flott fólk. Okkur fanst við samt ekki passa alveg inn í myndina, kappklæddir í hjóla föt á "torfæru" móttorhjólum. 

Eftir Cannes fórum við til Monte Carlo og sáum að undirbúningurinn fyrir Formúlu keppnina næstu helgi er langt kominn. Við gátum hjólað hluta brautarinnar, framhjá Casinoinu, S-beygjuna og brekkuna upp að Casinoinu. Þetta verður ofarlega í minningunni eftir ferðina. Eftir góðan tíma í Monaco héldum við áfram í Ítalíu.  

Komum við í Cannes til að hitta stórstjörnurnar

Formúla 1 brautin í Monaco var testuð og var í lagi

 
Tilbúinn fyrir ræsingu í öðru sæti í rásröð

Á ströndinni við "Míami" hótelið. Léttklæddur í takt við veðrið

Góð máltíð til að loka deginum

Kaflaskiptur dagur. Fengum loksins að sjá sæmilega til sólar og finna notalegan hita. Fyrri hluti dagsins til uþb kl 14 var góður og notalegur en upp úr því dró fyrir sólu og fór að blása kröftuglega með töluverðum sviptivindum. Við hjóluðum um 640 km í dag og kláruðum að fara upp miðjarðarhafsströnd Spánar og fórum inn í Frakkland. Á morgun er planið að fara til Monaco og taka út F1 brautarstæðið. 

Duttum inn á fund fornbílaklúbbs í Frakklandi

Erum komnir til Biarrits, borgarinnar þar sem Jói býr með annan fótinn þessa dagana. Dagurinn byrjaði á hefðbundinn hátt með rigningarsudda og köldu veðri. Við lögðum af stað kl 07:00 og komum hingað til Biarrits um kl 20:30, þetta var því annar langur dagur. Við hjóluðum tæpa 900 km í dag. Þegar við komum suður undir borgina Bordau létti til og okkur líður eins og sumarið hafi birst um stundar sakir. Við ætlum að fara eins langt og við getum í átt að Tarifa á morgun en það eru um 1200 km þangað.

Á tapasbar í Biarrits, heimabæ Jóa. 

Erum komnir til Bremen. Hjóluðum á sjöunda hundrað km í dag. Veðrið var rysjótt, sól, rigning og rok skiptust á á leiðinni. Förum til Valkenburg í Hollandi á morgun og hittum Erik Vegt sem smíðaði diesel hjólið mitt.  Reiknum með að gista einhversstaðar í norður Fraklandi á morgun.

Staðurinn þar sem ferðin endaði í fyrra. 

Erum að koma til Hirtshals eftir rólega siglingu yfir hafið. Tökum stefnuna á Álaborg til að sækja Jóa og höldum síðan suður á bóginn.

Einar og Jói tilbúnir í ferðina

 
Kapparnir þrír að leggja af stað

Erum komnir til Þórshafnar í Færeyjum. Veðrið er dæmigert Færeyjaveður, rigningarsuddi og hiti um 8 gráður. Þetta er að verða gamalkunnugt, ég er hér í fimmtu ferðinni með Norrænu. Heyrði í Jóa Páls áðan og hann bíður spenntur eftir okkur í Álaborg. Förum héðan kl 9 í kvöld og komum til Hirtshals um kl 10 á laugardaginn.

Í gamla bænum í Þórshöfn

Sverrir í Sverrisgötu

 
Deja vú, alveg eins og í fyrra nema með annan ferðafélaga.

Mikilvægum áfanga lokið. Eftir miklar vangaveltur og pínu litlar áhyggjur af færðinni yfir Fagradal og Fjarðarheiði erum við komnir á Seyðisfjörð. Lögðum af stað frá Hólmi um kl 6:30 í ágætis bjartviðri en hitinn var um 2 gráður. Leiðin var greiðfær og laus við hálku og snjó. Förum héðan kl 20 í kvöld og komum væntanlega til Hirtshals um kl 10 á laugardags morgun.

Almannaskarð

Fjarðarheiði opin í fyrsta skipti fyrir mótorhjól þetta árið

 
Beðið eftir ferjunni. Sverrir klár í ferðina.