Dagur 12

Byrjuðum daginn á skoskum morgunverði. Við morgunverðarborðið uppgötvaðist að vertinn, maður um sextugt, er mikill mótorhjólamaður og hefur ferðast víða á Enduro hjólum, meðal annars á Nýja Sjálandi en aldrei farið í "Stóru ferðina" og öfundaði undirritaðann mikið.

Fórum meðfram Loch Ness vatni að austanverðu, skv. ábendingum vertsins og fórum síðan bráðskemmtilegan heiðarveg, mjóann, brattann, hlykkjóttann yfir til Aviemore. Þar lentum við á mótorhjóla rallýi/samkomu/móti með mörg hundruð ef ekki þúsund mótorhjóla.

Fórum eftir það að fikra okkur í austur átt. Hjóluðum um sveitir, komum við á skíðastöðum og enduðum í litlum bæ sem heitir Alford. Gistum þar á hóteli sem sérhæfir sig í Indverskum mat, enda rekið af Indverskum hjónum.

Veðrið gott, bjart og hiti frá 13-18 gráður, en dálítill vindur

Dagur 11.

Vöknuðum í nótt við mikil lœti í eldvarnarkerfinu. Einn nágranni okkar var
að reykja inni á herberginu og setti allt af stað. Óþœgileg byrjun á
deginum.

Fórum af stað um 10:30 og hjóluðum yfir á eyjuna Skye í ágœtisveðri,
skýjað en þurt og hiti um 14°, og tókum síðan ferju yfir á  meginlandið
aftur.

Hjóluðum eftir the great glens sem Loch Ness er hluti af.
Komum við í Fort Wiliams og Dista keypti sér myndavél og er því orðin
aðalljósmyndari ferðarinnar.
Fundum gistingu Í afar fallegum litlum bœ sem heitir Fort Augustus.

Dagur 10

Byrjuðum daginn á skoskum morgunverði: morgunkorni, eggjum, beikoni, kryddpylsu, haggisi og ristuðu brauði með tei.

Við seinkuðum brottför til kl 11:00 vegna rigningar en það var til lítils því það rigndi meira en minna allan daginn. Við héldum áfram suður vesturströndina og komum ma. við á stað sem heitir applecross, en að norðan liggur þangað þröngur og bugðóttur sjávarvegur en að sunnan hár, brattur og svakalegur fjallvegur

Við enduðum eftir um 200 km ferð í bœ sem heitir Lochcarron. Borðuðum frábœra máltíð, hálandasteik með eyjaviskyi í eftirrétt. Hér sannaðist enn einu sinni að oft er það svo að erfiður dagur endar vel. Veðrið lagaðist í kvöld, það stytti upp og við enduðum á óformlegum tónleikum heimafólks sem hittist einusinni í viku á staðarkránni til að spila saman skoska tónlist.

Dagur 9

Frábœr dagur. Vorum vakin kl 3:30 í morgun og komin í land í Scrabster um
kl 5:45 og lögð af stað rúmlega 6. Skrýtin tilfinning að hjóla í nýju
landi Í dagrenningu, engin umferð og allt kyrrt.

Fórum vestur eftir norðurströndinni eins langt og við komumst. Fórum þaðan
frábœra mótorhjólavegi, mjóa og einbreiða, hlykkjótta og hœðótta. Með
skemmtilegri vegum sem ég hef hjólað.
Landslagið víðáttufallegt og veðrið gott. Það byrjaði með þoku og skýjum
snemma í morgun en byrti til og sólin skein með góðum hita restina af
deginum.

Erum komin í náttstað í litlum fallegum bœ sem heitir Ullapool og gistum
í B&B hjá fullorðinni konu sem er mjög ánœgð að vera búin að fá fyrstu
Íslensku gestina sína.
Ferðafélaginn hefur staðið sig með stakri prýði þrátt fyrir erfiða
vegirnir fyrir byrjendur og vinstri umferð.