Í dag hjóluðu þeir 520 km. og eru komnir til Huntington í  West Virginia.

Það var óttaleg hitasvækja eins og hefur verið undanfarið, og einnig fengu þeir skúr á sig. Harley

bræður gátu prófað Harley regngallana sína og virkuðu þeir vel. 

Ferðin sækist vel og ekki margir hjóladagar eftir. 

Eru staddir í útjaðri Evansville í Indiana.

Hjóluðu um 620 km. í dag. Mjög heitt á leiðinni. Engin stopp nema bara rétt til þess að fá sér smá

næringu.

Minni á að það er hægt að hlusta á viðtalið við Sverri á Rás 2 á netinu ef einhver missti af því í

morgun. 

Eru komnir til Springfield Missouri og hjóluðu um 470 km. í dag.

Hringdu í Önnu frænku sína sem býr í Tulsa og var hún þá nýkomin heim úr ferðalagi. Þeir kíktu í

heimsókn og urðu fagnaðarfundir. Var spjallað í smástund en svo urðu þeir að halda áfram ferðinni. 

Fylgdu route 66 eins og hægt var í hita og miklum raka.

Eru komnir til Chandler rétt fyrir utan Oklahoma og er núna 5 tíma munur.

Fengu sér steik í hádeginu á "The Big Texan" veitingastað. (www.bigtexan.com)

Sáu á leiðinni Cadilac Rance við Route 66.

Hitinn í dag er búinn að vera frá 24° - 35° C og fengu þeir hellidembur á leiðinni. Hjóluðu um 690 km.

Í dag eru liðnar 12 vikur og 1 dagur sem gera 85 daga og styttist óðum í heimkomu.