Vöknuðu kl. 8 í morgun en tóku svo eftir að klukkan í sjónvarpinu var 9 þannig að þeir eru komnir í enn eitt tímabilið svo nú er 4 tíma munur. Hitinn er um 30°C.

Hjóluðu í gegnum Nizhniy Novgorod án götukorts svo það gekk hálf brösulega að rata. Umferðin er mjög hröð svo það hjálpaði ekki til. Annars hefur landslagið verið hálf einsleitt, sléttlendi og skógar, en komnir í smá landslag í dag.

Verðið á gistingunni breytist hratt. Í fyrradag var það 3000 rúblur, gær 2400 en í dag 280 svo mikið var lagt á í byrjun!

Hjólin eru að standa sig mjög vel. Reyndar er Einars hjól búið að detta tvisvar, en sem betur fer þá skemmdist ekkert.

Hjóluðu um 460 km. í dag. Í nótt gista þeir á vega móteli sem þeir héldu í fyrstu að væri bara rústir en svo gekk maður út úr húsinu þannig að þeir ákváðu að kanna málið (kannski þess vegna sem gistingin er ekki dýrari). Flugurnar eru farnar að sækja í Einar og taldi hann um 20 bit eftir daginn.  Annars kátir og allt gengur mjög vel.