( Á eftir að bæta við fleiru, svo sem vegabréfsáritun til Rússlands, tryggingarskírteini fyrir lönd utan evrópu, önnur skírteini og pappírar.)

Að sjálfsögðu þurfum við vegabréf og það þarf að gilda í að minnsta kosti sex mánuði eftir að ferðinni er lokið.    www.vegabref.is

Vegabréfsáritun til Mongólíu.  Við þurftum að senda vegabréfin okkar til sendiráðs Mongólíu í London til að fá áritunina.  Þetta tekur ca 2 vikur með öllu og kostar ca 6.500,- Iskr.  Við megum vera þrjá mánuði í landinu.   https://www.embassyofmongolia.co.uk/

Þetta er alþjóðlegt ökuskírteini sem að sum lönd gera kröfu um að við séum með.  Þetta skírteini fæst hjá FÍB í Borgartúninu og kostar kr. 700,- fyrir félagsmenn og kr. 1.000,- fyrir utanfélagsmenn.  Þetta skírteini gildir í eitt ár.     www.fib.is

Þetta er " Græna kortið ", alþjóðlegt vátryggingarkort fyrir ökutæki.  Þetta kort er samstarf ca 40 ríkja í Evrópu og er gott að hafa.  Þetta kort er hægt að fá tryggingarfélaginu þínu og kostar kr. 3000,-   www.tmhf.is

Svo er það gamla góða skráningarskírteinið fyrir hjólið.  Þetta þekkja allir og ekkert meira um það að segja.  Jú, bara að athuga að það sé rétt !  Við komumst að því að í því var villa og maður veit aldrei hverju landamæraverðir, tollverðir eða lögreglan tekur upp á þarna austurfrá.  www.us.is

CARNET DE PASSAGE heitir þetta skjal.  Þetta er tollpappír sem við verðum að vera með.  Sum lönd, þar á meðal Japan, krefjast þess að við framvísum þessu skjali þegar við komum inn í landið á farartæki sem ekki er skráð í landinu.  Ef maður er ekki með þetta, þarftu að borga aðflutningsgjöld af mótorhjólinu, sem geta numið allt að 400% af verðmæti hjólsins !  Til að fá þennan pappír þurftum við að vera í sambandi við FÍB hér á Íslandi og systurfélag þess í Svíþjóð, Motormannen.  Við fengum umsóknareyðublöð á heimasíðu Motormannen í Svíþjóð, og höfðum svo samband við góða konu þar, Beatrice, sem hjálpaði okkur með restina.  Við þurfum að leggja fram tryggingu að upphæð ískr. 192.000,- fyrir hvort hjól, eða samtals kr. 384.000,-.  Annaðhvort í formi peninga eða bankatryggingu.  Við fengum bankatryggingu og lögðum fram til tryggingar greiðslum ef til kemur.  Kostnaðurinn við þetta hjá þeim í Svíþjóð er Sek. 3.160,-  eða ca ískr. 31.000,-